Applicaziun ideala
- Senza glischar: damain stress, promova il cumportament dal triep
- Ademplescha las pretensiuns d'illuminaziun per tut las lavurs en stalla
- Unifurmitad perfetga independentamain da l'autezza dal palantschieu sura grazia ad ina vasta tscherna d'opticas
- Gia installà en passa 2.200 stallas
- Damain lampas necessarias
Il num «GalliSpec» stat per in spectrum da glisch spezial che sustegna la percepziun visuala ed ils basegns biologics dal giaglinom durant l'entira fasa da creschientscha: dapli rendiment grazia a glisch biologicamain activa! Cuntrari a LEDs standard sviluppadas per umans cuntegna la tecnologia GalliSpec da pacelum parts UV e lunghezzas d'unda curtas blauas, vastas verdas e lungas cotschnas.
Noss spectrum alv neutral cun parts UV supplementaras sustegna la percepziun visuala da Voss animals.
El contribuescha tranter auter ad ina meglra vista ed orientaziun. Quai na facilitescha betg mo la tschertga da pavel, mabain ha er in effect positiv sin l'ingestiun da pavel.
In ulteriur avantatg è ch'ils animals pon localisar meglier ils auters animals da la medema spezia. Quai maina ad ina repartiziun pli eguala en stalla e reducescha uschia a lunga vista il nivel da stress da Voss animals.
Cun nossa soluziun a dus chanals "AzuLux" pudais Vus diriger, ultra dal chanal alv, er in chanal da glisch blaua. Omadus chanals pon er vegnir utilisads a medem temp per producir glisch alva cun in'auta cumpart da glisch blaua.
Lunghezzas d'unda blauas han in effect calmant sin il giaglinom. Cun nossa lampa pudais Vus far frunt a periodas da stress e calmar Voss triep. Cun activar lunghezzas d'unda blauas daventan Voss animals pli calms e lur nivel da stress sa reducescha considerablamain.
Noss spectrum "AzuLux" è er adattà excellentamain sco glisch per tschiffar giaglinom. Quai renda il manar ils utschels en stalla ed ora da la stalla considerablamain pli simpel per tut las persunas involvidas. Damain stress durant quels process maina a damain feridas e perditas en Vossa stalla.
Allevament da giaglinas d'India
Cun nossa soluziun a dus chanals "RubiLux" pudais Vus diriger, ultra dal chanal alv, er in chanal da glisch cotschna. Omadus chanals pon er vegnir utilisads a medem temp per producir glisch alva cun in'auta cumpart da glisch cotschna. Lunghezzas d'unda cotschnas stimuleschan il ritmus circadian dals animals ed uschia er lur activitad. Deplorablamain datti savens piccar vicendaivlamain, surtut tar l'allevament da giaglinas d'India. Nossa soluziun "Anti-Pick" gida en duas modas: d'ina vart vegn il piccar reducì tras in nivel bass da stress, da l'autra vart reducescha la glisch cotschna il contrast da feridas che sangan e da la caruncula nasala en svilup. Uschia sa reduceschan considerablamain las malsognas e la mortalitad.
Giaglinas oviferas
Ultra da l'allevament da giaglinas d'India daventa nossa soluziun "RubiLux" er adina pli populara en stallas da giaglinas oviferas. Las lunghezzas d'unda cotschnas stimuleschan ils animals e procuran per in'atmosfera calma. Quai maina ad ina producziun d'ovs pli auta cun in nivel da stress pli bass. Er imitar il crepuscul da la damaun e da la saira promova il bainstar dals animals ed è simpel cun nossa soluziun "RubiLux".
Allevament da portgs
En l'allevament da portgs pudais Vus utilisar nossa soluziun "RubiLux" sco illuminaziun da notg, perquai che portgs percepeschan strusch lunghezzas d'unda cotschnas. Uschia pudais Vus entrar en stalla senza svegliar ils animals cun envidar la glisch. Cun imitar la levada ed il tramunt dal sulegl sustegnais Vus er il ritmus da di e notg dals animals e reducis stress ed agressiun.
In'intensitad d'illuminaziun adattada furma la basa per in allevament da portgs che respecta ils animals. Sco tar ils umans sa mida il basegn da glisch dals animals cun lur vegliadetgna u fasa d'allevament. Nossas lampas èn adattadas specificamain al ciclus da vita dals animals ed adempleschan uschia adina lur basegn actual d'illuminaziun.
La percepziun visuala meglierada dals animals procura tranter auter per considerablamain damain stress ed agressiun. Quai augmenta da sia vart il bainstar e la capacitad da prestaziun da Voss portgs.
Precis qua entra en funcziun noss spectrum Pig-Light: chips LED tschernids aposta furman la basa per l'effect biologic da nossas lampas.
